Haqqımızda

Nose — Nuance parfüm mağazalarının ətir yağları brendidir. Bakı və Sumqayıtdakı yeddi filialımızda hər gün yüzlərlə aromanı sınamaq, müqayisə etmək və öz ətrinizi seçmək mümkündür. Nose.az isə bu kolleksiyanın onlayn kataloqudur: evdən baxın, bəyəndiyinizi filialda qoxulayın.

Biz məşhur ətirləri kopyalamırıq — onların ruhundan ilhamlanırıq. Hər aromada ilk notlardan son izə qədər eyni hissi, eyni xarakteri saxlamağa çalışırıq. Ona görə də kataloqda hər ətrin yanında “mövzusunda” yazılır: bu, ilham mənbəyinə dürüst istinaddır.

Xammal haradan gəlir

Ətir yağlarımızı üç ölkədən alırıq. Gündəlik kolleksiyanın əsası Türkiyənin Seluz şirkətidir. İtaliyadan Moellhausen 1967-ci ildən premium parfümeriya xammalı istehsal edir, Fransanın Grasse French Perfume şirkəti isə 1973-cü ildən Qrasın ənənəvi ətirçilik məktəbini davam etdirir. Eyni aromanın fərqli ölkə versiyaları qiymətə və tərkibə görə fərqlənir — kataloqda hər birinin öz nömrəsi var. Tərəfdaşlar haqqında ətraflı: Tərəfdaşlarımız.

Nə üçün ətir yağı

Ətir yağı spirtsiz və yüksək konsentrasiyalıdır, ona görə dəridə və geyimdə uzun qalır, bir neçə damcı kifayət edir. Yağlarımıza DPG əlavə etmirik. Qadın, kişi və unisex istiqamətlərdə seçim edə, 20 ml-dən başlayan həcmlərdə ala bilərsiniz.

Pərakəndə və topdan

İstənilən ətri bir flakon da ala bilərsiniz, topdan da sifariş verə bilərsiniz. Topdan qiymətlər üçün ən yaxın filialla əlaqə saxlayın — ünvanlar və telefonlar Filiallar səhifəsindədir. Ətir yağları haqqında suallarınıza tez-tez verilən suallar bölməsində cavab tapa bilərsiniz.